யூடியூப் சேனல்களில் முன்னணியில் இருக்கும் பிளாக் ஷீப் சேனல் அவ்வப்போது வெப் தொடர்களை தயாரித்து வெளியிட்டு வருகிறது. அப்படி ஆஹா கல்யாணம் என்கிறது தொடரை வெளியிட்டு முதன்முதலாக 100 மில்லியன் பார்வையாளர்கள் என்கிற சாதனையை சொந்தமாக்கிய பிளாக் ஷீப் யூடியூப் சேனல் அடுத்ததாக தற்போது கன்னிராசி என்கிற தொடரை தயாரித்துள்ளது.
10 எபிசோடுகள் ஆக வெளியாக உள்ள இந்த தொடரை கல்யாண சமையல் சாதம் என்கிற இன்னொரு 100 மில்லியன் சாதனையை படைத்த வெப் தொடரை இயக்கிய அன்புதாசன் என்பவர்தான் இயக்கியுள்ளார்.
இந்த தொடர் மூலம் என்ன சொல்லப் போகிறாய் படத்தில் நடித்த அஸ்வினியை கோலிவுட்டுக்கு அறிமுகப்படுத்தியவர் இவர்தான் என்பது குறிப்பிடத்தக்கது. அதுமட்டுமல்ல இவரை கோலமாவு கோகிலா, ஆதித்ய வர்மா, மீசைய முறுக்கு உள்ளிட்ட படங்களில் நடிகராகவும் நீங்கள் பார்த்திருக்கலாம்..
‘கன்னிராசி’ என்பது ஒரு வேடிக்கை நிறைந்த வெப் தொடராகும், இதில். சேட்டை ஷெரிப் முக்கிய கதாபாத்திரத்தில் நடிக்கிறார் மற்றும் அமேசான் பிரைம் ஸ்டாண்டப் காமெடி புகழ் அபிஷேக் குமார், ஸ்வேதா, ஷாம்னி, பதின் குமார், அருண் கார்த்தி, குட்டி மூஞ்சி விவேக் மற்றும் பலர் முக்கிய கதாபாத்திரங்களில் நடிக்கின்றனர்.
இந்த கதை நாயகன் கிருஷ்ணாவை (சேட்டை ஷெரீப்) சுற்றி சுழல்கிறது, ஒரு நல்ல வேலையுடன் கச்சிதமான வாழ்க்கையை வாழவேண்டும் என்ற அவரது கனவு நிறைவேறாமல் இருக்கிறது. பின்னர் அவரது வாழ்கையில் எதிர்பாராமல் ஒரு நபரை சந்தித்த பிறகு, வாழ்க்கை அப்படியே மாறி போகிறது கிருஷ்ணா எப்படி அவனது கனவு வேலையை அடைந்தான்?, யார் அந்த நபர் யார்?, இது தான் கன்னிராசி வலைதொடர், இது மொத்தம் 10 எபிசோட்களை கொண்ட தொடராக உருவாகிறது .
இத்தொடர் ஆகஸ்ட் 2022 இல் வெளியிட திட்டமிடப்பட்டுள்ளது, நேற்று மாலை படக்குழுவினர் கலந்துகொள்ள எளிமையான முறையில் பூஜையுடன், இத்தொடரின் படப்பிடிப்பு தொடங்கியது.