நாய்கள் ஜாக்கிரதை, மிருதன், டெடி என வித்தியாசமான கதையம்சம் கொண்ட படங்களை இயக்கியவர் சக்தி சௌந்தர்ராஜன். ஒவ்வொரு படத்திலும் மிருகம் தொடர்பாக அல்லது அறிவியல் பூர்வமான ஏதாவது வித்தியாசமான ஒரு கோணத்தில் தனது கதையை உருவாக்கி குழந்தைகளையும் கவர வேண்டும் என்கிற நோக்கில் படங்களை இயக்கி வருகிறார்.
டெடி என்கிற சூப்பர்ஹிட் படத்தை ஆர்யாவுக்கு கொடுத்த சக்தி சௌந்தர்ராஜன் தற்போது மீண்டும் ஆர்யாவை வைத்து கேப்டன் என்கிற படத்தை இயக்கியுள்ளார். இதுவும் ஹாலிவுட்டில் வந்த டெர்மினேட்டர் பாணியில் இருக்கும் என்பது போல ஏற்கனவே வெளியான இந்த படத்தின் போஸ்டர் தெரிவிக்கிறது.
இந்த படத்தின் படப்பிடிப்பு தற்போது நடந்து கொண்டிருக்கும் வேளையில் இந்த படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயன்ட் நிறுவனம் கைப்பற்றியுள்ளது.
சிவகார்த்திகேயனின் டான் கமலின் விக்ரம் என தொடர்ந்து பெரிய படங்களை வெளியிட்டு வரும் உதயநிதி ஸ்டாலினின் ரெட் ஜெயண்ட் நிறுவனம் ஆர்யாவின் படத்தை வாங்கியதில் மிகப்பெரிய ஆச்சரியம் இல்லை காரணம் கடந்த 10 வருடங்களுக்கு முன்பு ஆர்யா பாஸ் என்ற பாஸ்கரன் படத்தில் நடித்தபோது அப்போதும் உதயநிதி ஸ்டாலின் தான் அந்த படத்தை வாங்கி வெளியிட்டார் என்பதும் குறிப்பிடத்தக்கது.