நடிகர் விஜய் தமிழ் திரையுலகில் முதல் முப்பது வருட காலம் ஆகிவிட்ட நிலையில், முதன்முறையாக ஒரு நேரடி தெலுங்கு படத்தில் நடித்து வருகிறார். இயக்குனர் வம்சி பைடிப்பள்ளி இயக்கிவரும் இந்தப்படத்தில் ராஷ்மிகா முதன்முறையாக விஜய்யுடன் இணைந்து ஜோடியாக நடிக்கிறார். இவர்கள் தவிர பிரகாஷ்ராஜ், சரத்குமார், பிரபு, ஜெயசுதா, ஷாம் என பெரிய நட்சத்திர பட்டாளங்கள் இந்த படத்தில் இணைந்துள்ளனர்.
நடிகர் யோகிபாபு இந்த படத்தில் இணைந்து நடிக்கிறார் என்று சொல்லப்பட்டு வந்த நிலையில் அதை உறுதி செய்வது போல தயாரிப்பு நிறுவனம் யோகிபாபு இந்த படத்தில் அவர் நடிப்பதை அதிகாரப்பூர்வமாக அறிவித்துள்ளது.
மெர்சல் சர்க்கார் பிகில் ஆகிய படங்களில் யோகிபாபு, விஜய் காமெடி காம்பினேஷன் நன்றாகவே ஒர்க் அவுட் ஆனது. ஆனால் சமீபத்தில் வெளியான பீஸ்ட் படத்தில் யோகிபாபு இருந்தாலும் விஜய்க்கும் அவருக்குமான காமெடி காட்சிகள் அதிக அளவில் இல்லை என்பது ரசிகர்களுக்கு வருத்தம் தான். அந்த குறையை விஜய் நடித்து வரும் இந்த 66 வது படம் போக்கும் என எதிர்பார்க்கலாம்.
எங்களது கூட்டணி ரசிகர்களுக்கு பிடித்துப் போய்விட்டது என்று நினைக்கிறேன். அதுமட்டுமல்ல நான் நடித்துவரும் படங்களில் என் வேலையை சரியாக செய்து வருகிறேன் என்றும் நினைக்கிறேன். அதனால் தான் எனக்கு மீண்டும் விஜயுடன் நடிப்பது போன்று இப்படி மிகப்பெரிய வாய்ப்பு தேடி வந்துள்ளது என்று கூறியுள்ளார் யோகிபாபு..