தென்னிந்திய மொழிகளில் மோஸ்ட் வான்டட் நடிகையாக வலம் வருபவர் சாய்பல்லவி. அதேசமயம் வழவழவென படங்களை ஒப்புக்கொள்ளாமல் கதைக்கும் கதாபாத்திரத்துக்கும் முக்கியத்துவம் கொடுத்து சவாலான படங்களை ஒப்புக் கொண்டு நடித்து வருகிறார். சொல்லப்போனால் தமிழ், மலையாளத்தை விட தெலுங்கில் இவருக்கு வரவேற்பு அதிகம் ரசிகர்களும் அதிகம். இந்த நிலையில் நேற்று அவரது பிறந்த நாளை முன்னிட்டு அவரின் பட அறிவிப்புகள் சில வெளியாகின.
அதில் தமிழ், தெலுங்கு, மலையாளம் என மூன்று மொழிகளில் தயாராகும் கார்கி என்கிற படமும் ஒன்று. இந்த படத்தை கௌதம் ராமச்சந்திரன் என்பவர் இயக்குகிறார். இவர் வேறு யாருமல்ல முதன்முதலாக நிவின் பாலி தமிழில் ரிச்சி என்கிற படத்தில் நடித்தார் இல்லையா அதை இயக்கியவர் தான். இன்னொரு ஆச்சரியமான செய்தி இந்த படத்தை தயாரிப்பது நடிகை ஐஸ்வர்யா லட்சுமி. ஆக்சன் படத்தில் விஷாலுக்கு ஜோடியாக நடித்தவர், ஜகமே தந்திரம் படத்தில் தனுஷுக்கு ஜோடியாகவும் நடித்து இருந்தார் அவரே தான் இவர். இந்த படத்தில் இணை தயாரிப்பாளராக ஐஸ்வர்ய லட்சுமி பொறுப்பேற்றுள்ளார்.