ரசிகர்கள் ஒரு படம் எப்போது வெளியாகும் என ஆவலுடன் காத்திருந்து பார்க்கும்படியாக, ஒருசில படங்கள் எதிர்பார்ப்பை ஏற்படுத்தும் விதமாக அமைந்து விடும். அப்படி சமீபத்தில் வெளியான படம் தான் கேஜிஎப் 2. கடந்த சில வருடங்களுக்கு முன்பு சாதாரண ஒரு கன்னட படம் போல மொழிமாற்று படமாக வெளியான கேஜிஎப் படத்தின் முதல் பாகம் தென்னிந்தியா மட்டுமல்லாமல் பாலிவுட் ரசிகர்களையும் ரொம்பவே கவர்ந்துவிட்டது.
அதனால் இந்த படத்தின் இரண்டாம் பாகம் உருவாகிறது என்றதும் அதன் எதிர்பார்ப்பு கூடிவிட்டது. அதேபோல சமீபத்தில் வெளியான இந்த படம் அந்த எதிர்பார்ப்பை இருமடங்கு ஈடுகட்டி ரசிகர்களை சந்தோஷப்படுத்தியது.
ரசிகர்கள் மட்டுமல்லாமல் பிரபலங்களும் இந்த படத்தை விரும்பிப் பார்க்கும் சூழல் உருவானது அதற்கு இசைஞானி இளையராஜாவும் உலகநாயகன் கமலஹாசனும் கூட விதிவிலக்கல்ல
சமீபத்தில் இளையராஜா, கமல் இருவரும் இந்த படத்தை இசைஞானி இளையராஜாவுக்கு சொந்தமான ஸ்டுடியோவில் உள்ள திரையரங்கில் பார்த்து ரசித்துள்ளனர்.
