மாஸ்டர் படத்தில் லாபம் பார்த்த போது மட்டும் சந்தோசமா இருந்துச்சோ ? ; சில திரையரங்கு உரிமையாளர்களுக்கு சாட்டையடி கேள்வி

விஜய் படங்கள் எப்போதுமே திரையரங்கு உரிமையாளர்களுக்கு லாபம் தரும் விதமாகவே இருந்து வருகிறது. படம் எதிர்பார்த்த அளவிற்கு வரவேற்பை பெறவில்லை என்றாலும் கூட திரையரங்கு உரிமையாளர்கள் போட்ட முதலீட்டை எடுத்து விடும் அளவிற்கு விஜய் படங்கள் லாபகரமாகவே இருந்து வருகின்றன. ஆனால் சமீபத்தில் வெளியான பீஸ்ட் திரைப்படம் அதனுடன் வெளியான பான் இந்தியா படமான கேஜிஎப் படத்துடன் ஒப்பிடப்பட்டு வசூல் ரொம்பவும் குறைவு என்பது போல கடந்த சில நாட்களாக சோசியல் மீடியா, யூடியூப் போன்றவற்றில் சிலர் பேசி வருகிறார்கள்.

ரசிகர்களும் விமர்சகர்களும் பேசினால் கூட விவரம் தெரியாமல் பேசுகிறார்கள் என்று சொல்லலாம். ஆனால் விஜய் படத்தை வைத்து லாபம் பார்த்த திரையரங்கு உரிமையாளர்கள் சிலர் இதுபோன்று பேசுவது மிகவும் கண்டனத்துக்கு உரியது என்று கந்தசாமி ஆர்ட்ஸ் சென்டர் வினியோகஸ்தர் ராஜமன்னார் திரையரங்கு உரிமையாளர்களின் இந்த செய்கையை கண்டித்து அறிக்கை வெளியிட்டுள்ளார்.

இதில் அவர் கூறும்போது, ” KGF2 என்பது சினிமாவில் அரிதாக வரும் ஒரு பிரம்மாண்ட படைப்பு மிகப்பெரிய வசூல் சாதனை செய்து வருகிறது என்பதில் எந்த மாற்றுக்கருத்தும் இல்லை.. ஆனால் அதே சமயம் பீஸ்ட் திரைப்படமும் மிகப்பெரிய வசூல் செய்துள்ளது என்பதை யாராலும் மறுக்க முடியாது,

தமிழ்நாட்டில் எந்த தியேட்டருக்கு MG அடிப்படையில் படத்தை திரையிடவில்லை, யாருக்கும் நஷ்டம் ஏற்படவும் இல்லை, 2022ல் வெளியான தமிழ் படங்களில் அதிக வசூல் செய்த படம் பீஸ்ட் என்பதே நிதர்சனமான உண்மை, நடிகர் விஜய் படத்தை திரையிட்ட அனைத்து திரையரங்குகளுமே பெரிய லாபம் அடைந்துள்ளனர்,

கொரோனா காலத்தில் அனைத்து திரையரங்குகள் எதிர்காலம் என்னவென்றே தெரியாமல் பாதிக்கப்பட்டு இருந்து போது OTTல் படத்தை திரையிடாமல் அந்த கடுமையான கொரோனா சூழலிலும் மாஸ்டர் படம் திரையரங்கிற்கு கொண்டு வர காரணம் நடிகர் விஜய்

அன்று அவரை திரையரங்குகளுக்கு வாழ்வு தந்த விஜய் என்று புகழ்ந்த திரையரங்க உரிமையாளர்கள் இன்று எதோ ஒரு உள்நோக்கத்தோடு வேண்டுமென்றே பீஸ்ட் படத்தை பற்றி எதிர்மறை கருத்துக்களை பரப்புவது வன்மையாக கண்டிக்கத்தக்கது…

அனைத்து படங்களையுமே மிக நேர்த்தியாகவும், மாபெரும் வெற்றி படமாக எந்த நடிகராலும் தரமுடியாது சில படங்களில் குறைகளை இருக்கத்தான் செய்யும் அதை ரசிகர்கள் விமர்சிக்கலாம் ஆனால் அந்த நடிகர் படம் மூலமும் லாபம் அடைந்த திரையரங்க உரிமையாளர்கள் இன்று அவர்களையே ஏளனம் செய்வது மிகவும் தவறான செயல்” என்று கூறியுள்ளார்.