மலையாளத்தில் மாயநதி என்கிற படம் மூலம் கதாநாயகியாக அறிமுகமானவர் ஐஸ்வர்ய லட்சுமி. அந்த படத்தின் மூலம் கிடைத்த புகழை தொடர்ந்து தமிழ் திரையுலகிலும் அடி எடுத்து வைத்தார். விஷால் ஜோடியாக ஆக்சன் படத்திலும் ஜகமே தந்திரம் படத்தில் தனுசுடன் இணைந்தும் நடித்த ஐஸ்வர்ய லட்சுமி தற்போது நடிகர் விஷ்ணு விஷாலுக்கு ஜோடியாக மாறியுள்ளார்.
நடிகர் விஷ்ணு விஷால் கட்டா குஸ்தி என்கிற படம் மூலம் முதன் முறையாக நேரடி தெலுங்கு படத்திலும் நடிக்கிறார். இதற்கான அறிவிப்பு சமீபத்தில் வெளியானது. பிரபல நடிகர் ரவி தேஜா தான் இந்த படத்தை விஷ்ணு விஷாலுடன் இணைந்து தயாரிக்கிறார்.
செல்லா அய்யாவு இந்தப்படத்தை இயக்குகிறார். இந்த படத்தின் படப்பிடிப்பு தற்போது தென்காசியில் நடைபெற்று வருகிறது.
இந்த படத்தின் கதாநாயகியாக இணைந்துள்ள ஐஸ்வர்ய லட்சுமி இந்த படத்தின் படப்பிடிப்பு நடைபெற்று வரும் தென்காசி பகுதியைப் பற்றி சிலாகித்து தனது சோசியல் மீடியா பக்கத்தில் பதிவிட்டுள்ளார். மேலும் படப்பிடிப்பு குறித்து அவ்வப்போது அப்டேட்டுகளையும் பகிர்ந்து கொள்வதாக அவர் கூறியுள்ளார்.
