கடந்த சில மாதங்களுக்கு முன்பு விக்னேஷ் சிவன் தயாரிப்பில் வெளியான படம் ராக்கி. நடிகர் வசந்த் ரவி நடித்திருந்த இந்தப்படத்தை அறிமுக இயக்குனரான அருண் மாதேஸ்வரன் இயக்கியிருந்தார். அதிரடி ஆக்ஷன் படமாக திரில்லர் பாணியில் உருவாகி இருந்த இந்தப்படத்துக்கு ரசிகர்களிடம் மிகப்பெரிய வரவேற்பு கிடைத்தது.
குறிப்பாக இந்த படத்தில் பாரதிராஜாவின் நடிப்பு ரொம்பவே பாராட்டப்பட்டது. இந்தநிலையில் இந்த படம் தற்போது இந்தியில் ரீமேக் ஆக இருக்கிறது. இதன் இந்தி ரீமேக் உரிமையை வகாவு பிலிம்ஸ் என்கிற நிறுவனம் வாங்கியுள்ளது.
