பாகுபலி படத்தின் இரண்டு படங்களின் வெற்றியை தொடர்ந்து அடுத்ததாக இயக்குனர் ராஜமவுலி இயக்கத்தில் உருவாகியுள்ள படம் ஆர்ஆர்ஆர். அதனாலேயே இந்த படத்தின் மீது தெலுங்கு மட்டுமல்லாமல் தென்னிந்திய ரசிகர்களும் மிகப்பெரிய எதிர்பார்ப்பை வைத்துள்ளனர் இந்த படத்தில் ஜூனியர் என்டிஆர், ராம்சரண் இருவரும் இணைந்து நடித்துள்ளது படத்தின் மீதான எதிர்பார்ப்பை இன்னும் அதிகரித்துள்ளது.
சுதந்திரம் பெறுவதற்கு முன்பு நடைபெறும் காலகட்டத்தில், ஆந்திராவை சேர்ந்த இரண்டு சுதந்திர போராட்ட வீரர்களின் வாழ்க்கையை மையமாக வைத்து, வெவ்வேறு காலகட்டங்களில் வாழ்ந்த இவர்கள் ஒன்றாக சந்தித்தால் எப்படி இருக்கும் என்கிற ஒரு கற்பனையை மையப்படுத்தி இந்தப் படத்தை இயக்கியுள்ளார் இயக்குனர் ராஜமவுலி.
மார்ச் 25ஆம் தேதி வெளியாகும் இந்த படம் தமிழகத்தில் மட்டும் 550 திரையரங்குகளில் திரையிடப்பட இருக்கிறது. தமிழகத்தில் இந்தப்படத்தை லைக்கா நிறுவனம் தெரிகிறது.
மொழிபெயர்க்கப்பட்ட ஒரு படத்தை இத்தனை திரையரங்குகளில் வெளியிடுவது இதுவே முதன்முறையாகும். ராஜமவுலியின் முந்தைய படமான பாகுபலியை விட இந்தப்படம் 150 திரையரங்குகளில் அதிகமாகவே வெளியாகிறது.