மலையாளத்தில் கடந்த இரண்டு வருடங்களுக்கு முன்பு வெளியாகி மிகப்பெரிய வெற்றி பெற்ற படம் ஜோசப். பத்மகுமார் என்பவர் இயக்கிய இந்த படம் தற்போது தமிழில் ஆர்.கே.சுரேஷ் நடிப்பில் விசித்திரன் என்ற பெயரில் ரீமேக்காகி உருவாகியுள்ளது. இயக்குனர் பாலா இந்த படத்தை தயாரித்துள்ளார். மலையாளத்தில் இந்த படத்தை இயக்கிய பத்மகுமார் தான் தமிழிலும் இந்த படத்தை இயக்கியுள்ளார். இந்தப்படம் மே20ஆம் தேதி வெளியாவதாக அறிவிக்கப்பட்டிருந்தது.
அதற்கு முன்னதாக விஜய்சேதுபதி, சீனுராமசாமி கூட்டணியில் உருவாகியுள்ள மாமனிதன் படத்தை தமிழகமெங்கும் வெளியிடும் உரிமையை வாங்கி மே 6-ஆம் தேதி வெளியிடுவதாக அறிவித்திருந்தார் ஆர்கே சுரேஷ்.
இந்த நிலையில் இந்தத் திட்டத்தை மாற்றி விசித்திரன் படத்தை மே 6ஆம் தேதியும் மாமனிதன் படத்தை மே 20ஆம் தேதியும் ரிலீஸ் செய்வதாக அதிகாரப்பூர்வமாக தற்போது அறிவிப்பு வெளியாகி உள்ளது.