தீபாவளி, பொங்கல் திருவிழா நாட்களில் தங்களது அபிமான ஹீரோக்களின் படங்கள் வெளியானாலும் சரி, சாதாரண நாட்களில் படங்கள் வெளியானாலும் சரி ரசிகர்களை பொறுத்தவரை அவர்களுக்கு அது திருவிழா தான். அந்த வகையில் வரும் தமிழ் புத்தாண்டு தினமான ஏப்ரல் 14ஆம் தேதி விஜய் நடிப்பில் உருவாகியுள்ள பீஸ்ட் திரைப்படம் வெளியாகும் என எதிர்பார்க்கப்பட்டது..
ஆனால் தற்போது ஒருநாள் முன்கூட்டியே அதாவது ஏப்ரல் 13-ஆம் தேதியே பீஸ்ட் திரைப்படம் வெளியாக இருக்கிறது இந்த அறிவிப்பு வெளியானது நேரத்திலிருந்து ரசிகர்கள் அதை திருவிழாவாகக கொண்டாட தயாராகி விட்டார்கள்.
நெல்சன் திலீப்குமார் டைரக்ஷன், அனிருத் இசை, பூஜா ஹெக்டே கதாநாயகி, ஏற்கனவே ஹிட்டாகி விட்ட அரபிக்குத்து, ஜாலியோ ஜிம்கானா என படத்தை கொண்டாடுவதற்கு ஏகப்பட்ட அம்சங்கள் இருக்கின்றன.