எப்போதுமே விளையாட்டு தொடர்பான படங்களுக்கு ரசிகர்களிடம் அதிக அளவில் வரவேற்பு இருக்கும். அதிலும் குறிப்பாக கிரிக்கெட் விளையாட்டை பற்றி வெளியாகும் படங்கள் என்றால் சொல்லவே வேண்டாம். அந்த வகையில் இதுவரை ஆண்கள் கிரிக்கெட்டை மையப்படுத்திய படங்கள் வெளியாகி வந்த நிலையில் தற்போது பெண்கள் கிரிக்கெட்டை மையப்படுத்தி பாலிவுட்டில் உருவாகியுள்ள படம் சபாஷ் மிது..
இந்திய பெண் கிரிக்கெட் வீராங்கனை மிதாலி ராஜ் வாழ்க்கை வரலாறாகத்தான் இந்தப்படம் தயாராகியுள்ளது இதில் மிதாலி ராஜ் கதாபாத்திரத்தில் டாப்ஸி நடித்துள்ளார். ஸ்ரீநாத் முகர்ஜி என்பவர் இந்த படத்தை இயக்கியுள்ளார். வயாகாம் 18 நிறுவனம் தயாரித்துள்ள இந்தப் படத்தின் டீசர் தற்போது வெளியாகி உள்ளது