நெல்சன் திலீப்குமார் டைரக்ஷனில் விஜய் நடித்துள்ள பீஸ்ட் திரைப்படம் ஏப்ரல் 14ஆம் தேதி திரைக்கு வர இருக்கிறது. அதனை தொடர்ந்து கடந்த மாதம் இருந்து ரசிகர்கள் மத்தியில் பீஸ்ட் பட கொண்டாட்டம் துவங்கிவிட்டது என்றே சொல்லலாம். அதற்கு வெள்ளோட்டமாக கடந்த மாதம் இந்தப்படத்திற்காக சிவகார்த்திகேயன் எழுதிய அரபிக்குத்துப்பாடல் வெளியாகி ரசிகர்களை மட்டுமல்ல சினிமாவில் உள்ள முன்னணி நடிகைகள் அனைவரையும் தன்னை மறந்து ஆட்டம் போட வைத்து கொண்டிருக்கிறது.
அந்தவகையில் இன்னும் அரபி குத்து ஏற்படுத்திய தாக்கமே முடிவடையாத நிலையில் தற்போது நாளை மறுநாள் (மார்ச் 19) ஜாலியோ ஜிம்கானா என்கிற இன்னொரு பாடல் வெளியாக இருக்கிறது. கு.கார்த்திக் என்பவர் எழுதியுள்ள இந்த பாடலை விஜய்யே பாடியுள்ளார்
இந்தநிலையில் இந்த பாடல் உருவான விதம் குறித்து பாடலாசிரியர் கு.கார்த்திக் கூறும்போது அனிருத் தன்னை போனில் அழைத்து ஜாலியான ஒரு பாடல் வேண்டும் என கேட்டதாகவும் அவரை நேரில் சந்தித்தபோது 30 நிமிடங்களில் இந்த பாடலை எழுதி முடித்து விட்டதாகவும் கூறியுள்ளார்.