இசையமைப்பாளராக இருந்து ஹீரோவாக மாறிய ஜி.வி.பிரகாஷ் இரண்டையுமே சரியாக பேலன்ஸ் செய்து வருகிறார். குறிப்பாக இசை என வரும்போது, தான் நடிக்கும் படங்களுக்கு இசையமைப்பது ஒருபக்கம் என்றால். விஜய், சூர்யா போன்ற முன்னணி நடிகர்களின் படங்களுக்கும் நேரம் ஒதுக்கி இசை அமைத்து முன்னணி இசையமைப்பாளர் என்கிற தனது இடத்தை தக்க வைத்துக் கொண்டு வருகிறார்.
இன்னொரு பக்கம் நட்புக்காக தன்னை தேடி வருபவர்களுக்கு பாடல்களை பாடியும் கொடுக்கிறார். அந்தவகையில் செங்குட்டுவன், அம்மு அபிராமி இணைந்து நடிக்கும் பேட்டரி என்கிற படத்தில் ஒரு காதல் பாடலை பாடியுள்ளார் ஜி.வி.பிரகாஷ் மணிபாரதி இந்தப்படத்தை இயக்கியுள்ளார் சித்தார்த் விபின் இசையமைப்பில் உருவாகியுள்ள இந்த பாடலை ஜிவி பிரகாஷுடன் இணைந்து சக்திஸ்ரீ கோபாலன் பாடியுள்ளார். மெடிக்கல் கிரைம் திரில்லர் ஆக இந்தப்படம் உருவாகி உள்ளது.