இயக்குனர் பா.ரஞ்சித் தான் இயக்கும் படங்களை மட்டுமல்ல, தனது நீலம் புரொடக்சன் தயாரிப்பு நிறுவனத்தின் மூலம் தயாரித்து வெளியிடும் படங்களையும் வித்தியாசமான கதையம்சம் கொண்டதாக இருக்கும்படி கவனித்து கொள்கிறார். அந்தவகையில் பரியேறும் பெருமாள், ரைட்டர் என சமூகத்துக்கு தேவையான கருத்துக்களுடன் படங்களை தயாரித்து வெளியிட்ட அவரது தயாரிப்பு நிறுவனம் சார்பாக தற்போது குதிரைவால் என்கிற படம் உருவாகியுள்ளது.
மனோஜ்-சியாம் என்கிற இரட்டை இயக்குனர்கள் இந்தப்படத்தை இயக்கியுள்ளனர். கலையரசன் கதாநாயகனாக நடித்துள்ள இந்தப்படத்தில் அஞ்சலி படேல் கதாநாயகியாக நடித்துள்ளார். வரும் மார்ச்-18ஆம் தேதி இந்தப்படம் வெளியாக உள்ளது. இந்தநிலையில் தற்போது வெளியாகியுள்ள இந்தப்படத்தின் ட்ரெய்லரே ரசிகர்களை கவர்ந்துள்ளது.
குறிப்பாக நாயகன் கலையரசனுக்கு ஒருநாள் விழித்து எழும்போது குதிரைவால் ஒன்று முளைத்து விடுகிறது.. இதை மையப்படுத்தி இந்தப்படத்தின் கதை உருவாகியுள்ளது படத்தின் மீதான எதிர்பார்ப்பை தூண்டியுள்ளது.. அந்தவகையில் கற்பனைக்கும் நிஜத்திற்கும் இடையே சிக்கிக்கொண்ட ஒரு இளைஞனின் கதையாக இது இருக்குமோ என்றே தோன்றுகிறது.