கமல் நடிப்பில் கடைசியாக வெளியான படம் என்றால் அது நான்கு வருடங்களுக்கு முன் வெளியான விஸ்வரூபம் 2 தான். அரசியலில் கமல் நுழைந்துவிட்டதால் சினிமாவில் இந்த இடைவெளி தவிர்க்க முடியாததாகி விட்டது. தற்போது லோகேஷ் கனகராஜ் டைரக்சனில் தான் நடித்துவரும் விக்ரம் படத்தின் படப்பிடிப்பை கமல் முடித்து விட்டார்.
இதில் கமலுடன் விஜய்சேதுபதி, பஹத் பாசில், நரேன் உள்ளிட்ட பல முன்னணி நடிகர்கள் இணைந்து நடித்துள்ளனர். இந்தப்படத்தின் ரிலீஸ் எப்போது என்பது குறித்து ரசிகர்களிடம் அதிக எதிர்பார்ப்பு நிலவி வருகிறது. இந்தநிலையில் வரும் மார்ச்-14ல் இந்தப்படத்தின் ரிலீஸ் தேதி குறித்த அறிவிப்பை வெளியிடுகிறார் கமல். இந்தப்படத்தை கமலின் சொந்த நிறுவனமான ராஜ்கமல் பிலிம்ஸ் தான் தயாரித்துள்ளது என்பது குறிப்பிடத்தக்கது.