பிரபாஸ் நடிப்பில் மிகப்பிரமாண்டமான காதல் கதையாக உருவாகியுள்ள ராதே ஷ்யாம் படம் வரும் மார்ச் 11ம் தேதி பான் இந்தியா படமாக வெளியாக இருக்கிறது. பூஜா ஹெக்டே கதாநாயகியாக நடித்துள்ள இந்த படத்தில் சத்யராஜ், ஜெயராம் ஆகியோர் முக்கியமான வேடத்தில் நடித்துள்ளனர். ராதா கிருஷ்ணகுமார் இந்த படத்தை இயக்கியுள்ளார். இந்த படத்தின் புரமோஷன் நிகழ்ச்சி சமீபத்தில் சென்னையில் நடைபெற்றது.
இதில் நடிகர் பிரபாஸ் பேசும்போது, “சத்யராஜ் எனக்கு எப்போதுமே செல்ல கட்டப்பா தான்.. மிர்ச்சி படத்தில் இருந்து பத்து வருடமாக அவருடன் நான் பயணித்து வருகிறேன்” என்று நெகிழ்ச்சியுடன் கூறினார்.
அதேசமயம் படத்தின் நாயகி பூஜா ஹெக்டே பேசும்போது, “இந்த படத்தில் சத்யராஜ் சாருடன் ஒரு காட்சியில் கூட இணைந்து நடிக்கும் வாய்ப்பு எனக்கு கிடைக்காதது வருத்தமே” என்று தனது மன வருத்தத்தை வெளிப்படுத்தினார்.