அமரர் கல்கி எழுதிய வரலாற்று நாவலான பொன்னியின் செல்வன் தற்போது மணிரத்னம் இயக்கத்தில் திரைப்படமாக உருவாகி உள்ளது. கடந்த 40 வருடங்களில் இந்த நாவலை பலரும் திரைப்படமாக்க முயற்சித்து, தற்போது மணிரத்தினத்தின் முயற்சியால் அது கைகூடி இருக்கிறது. லைக்கா நிறுவனத்துடன் இணைந்து மணிரத்னம் இந்த படத்தை தயாரித்துள்ளார்.
இந்த படத்தில் விக்ரம், கார்த்தி, ஜெயம் ரவி, ஐஸ்வர்யாராய், திரிஷா உள்ளிட்ட பிரபல நட்சத்திரங்கள் பலரும் நடித்துள்ளனர். இந்த படம் இரண்டு பாகங்களாக உருவாகியுள்ளது. இந்த நிலையில் இந்த படத்தின் முதல் பாகம் வரும் செப்டம்பர் 30-ஆம் தேதி ரிலீஸாகும் என அறிவிப்பு வெளியாகியுள்ளது. இந்த அறிவிப்புடன் முக்கிய நடிகர்களின் கேரக்டர் லுக் போஸ்டரும் வெளியிடப்பட்டுள்ளது. அவர்களது தோற்றங்கள் ரசிகர்களை வெகுவாக கவர்ந்து வருகின்றன.