சிவகார்த்திகேயன் நடிப்பில் சிபி சக்கரவர்த்தி இயக்கத்தில் உருவாகியுள்ள படம் டான். பிரியங்கா அருள்மோகன் கதாநாயகியாக நடித்துள்ள இந்த படம் வரும் மார்ச் 25ஆம் தேதி வெளியாகும் என முன்கூட்டியே அறிவிக்கப்பட்டிருந்தது. இந்த படத்தை லைகா நிறுவனம் தயாரித்துள்ளது. இந்த நிலையில் இந்திய அளவில் மிகப்பெரிய எதிர்பார்ப்பை ஏற்படுத்தியுள்ள இயக்குனர் ராஜமௌலியின் ஆர்ஆர்ஆர் திரைப்படம் வரும் மார்ச் 25ஆம் தேதி ரிலீசாக இருக்கிறது.
அவ்வளவு பெரிய பொருட்செலவில் தயாராகி உள்ள படம் வரும்போது அதற்கு போட்டியாக நிற்க விரும்பாத சிவகார்த்திகேயன், லைகா நிறுவனத்திடம் பேசி தனது படத்தின் ரிலீஸ் தேதியை வேறு ஒரு நாளுக்கு மாற்றும்படி கூறியுள்ளார். இதனை தயாரிப்பு நிறுவனமான லைகாவும் ஏற்றுக்கொண்டுள்ளது. இதுகுறித்த அறிவிப்பு ஒன்றை ஒன்றையும் வெளியிட்டுள்ளது.
கடந்த சில மாதங்களுக்கு முன்பு சென்னையில் ஆர்ஆர்ஆர் படத்தின் புரமோஷன் நிகழ்ச்சி நடைபெற்றபோது அதில் நடிகர் சிவகார்த்திகேயனுக்கும் சிறப்பு அழைப்பு விடுக்கப்பட்டு மேடையில் ராம்சரண், ஜூனியர் என்டிஆர் ஆகியோருடன் சேர்த்து அவரையும் மேடையேற்றி கவுரவப்படுத்தினார் இயக்குனர் ராஜமவுலி. அந்த மரியாதைக்காகவே சிவகார்த்திகேயன் இப்படி தனது ரிலீஸ் தேதியை மாற்றி கொடுத்து விட்டுக் கொடுத்துள்ளார் என்று கூட சொல்லலாம்.