தனுஷ் நடிப்பில் அடுத்ததாக வெளிவர இருக்கும் படம் மாறன். சத்யஜோதி பிலிம்ஸ் தயாரித்துள்ள இந்தப் படத்தை கார்த்திக் நரேன் இயக்கியுள்ளார். கதாநாயகியாக மாளவிகா மோகனன் நடித்துள்ளார். வில்லனாக அரசியல்வாதியாக நடித்துள்ளார் இயக்குனர் சமுத்திரக்கனி. இந்தப் படம் டிஸ்னி ஹாட்ஸ்டாரில் நேரடியாக வெளியாகும் என ஏற்கனவே அறிவிக்கப்பட்ட நிலையில் இன்று மாலை இந்த படத்தின் ட்ரெய்லர் வெளியானது.
தனுஷும் மாளவிகா மோகனனும் இந்த படத்தில் பத்திரிக்கை நிருபர்கள் ஆக நடித்துள்ளனர். ஒருபக்கம் அண்ணன் தங்கை சென்டிமென்ட் காட்சிகளுக்கு பஞ்சம் இருக்காது என்று தெரிந்தாலும் ரசிகர்கள் எதிர்பார்க்கும் அதிரடி சரவெடி ஆக்சன் காட்சிகளுக்கும் கொஞ்சமும் பஞ்சம் இருக்காது என்பது டிரைலரை பார்க்கும்போதே தெரிகிறது.