சின்னத்திரையின் மகுடம் சூட்டப்படாத இளவரசி திவ்யதர்ஷினி… ரசிகர்களுக்கு செல்லமாக டிடி.. ஒரு நிகழ்ச்சியை கொஞ்சம்கூட சுவை குறையாமல் எப்படி தொகுத்து வழங்குவது என்கிற மாயஜால வித்தை தெரிந்தவர். இவருக்காகவே இவர் தொகுத்து வழங்கும் நிகழ்ச்சிகளை பார்ப்பவர்கள் எண்ணிக்கை அதிகம். இதற்கிடையே அவ்வப்போது வெள்ளித்திரையிலும் சில படங்களில் தலைகாட்டினார் டிடி.
இடையில் காலில் ஏற்பட்ட காயம் காரணமாக கொஞ்ச நாள் ஒய்வு எடுத்தவர் மீண்டும் சின்னத்திரைக்கு வந்து தனது பணியை தொடங்கிவிட்டார். இந்தநிலையில் சுந்தர்.சி இயக்கத்தில் ஜீவா-ஜெய் இணைந்து நடித்துவரும் படத்தில் முக்கிய கதாபாத்திரத்தில் நடித்து வருகிறார் டிடி. படப்பிடிப்பு தளத்தில் இருந்து இவர்களுடன் டிடி எடுத்துக்கொண்ட புகைப்படம் ஒன்று சோஷியல் மீடியாவில் வெளியாகி வைரலாகி வருகிறது.