சாஹோ படத்தை தொடர்ந்து ஒரு சிறிய இடைவெளிக்குப் பிறகு பிரபாஸ் நடிப்பில் அடுத்ததாக வெளிவர இருக்கும் படம் ராதே ஷ்யாம். தெலுங்கில் மட்டுமல்லாது பான் இந்தியா படமாக இது வெளியாக இருக்கிறது. இந்த படத்தில் கதாநாயகியாக பூஜா ஹெக்டே நடித்துள்ளார். ராதா கிருஷ்ணகுமார் இந்த படத்தை இயக்கியுள்ளார். இந்தப்படத்தில் சத்யராஜ், ஜெகபதிபாபு உள்ளிட்ட பலர் நடித்துள்ளனர்.
இந்தியிலும் இந்த படம் வெளியாக இருக்கிறது. இந்த படத்திற்கு இன்னும் சிறப்பு சேர்க்கும் விதமாக படத்தின் துவக்கத்தில் இந்த படத்தின் கதை குறித்து கூறுவதற்கு ஒரு கம்பீரமான குரல் வேண்டும் என முடிவு செய்த படக்குழுவினர், அதற்கு பாலிவுட்டின் பிக்-பி அமிதாப் பச்சனை தவிர பொருத்தமானவர் வேறு யார் இருக்க முடியும் என கூறி, அவரையே தங்கள் படத்தின் இந்திக்கான கதை சொல்லியாக மாற்றிவிட்டனர்