கடந்த சில மாதங்களுக்கு முன்பு, சூர்யா நடிப்பில் வெளியான ஜெய்பீம் திரைப்படம் இருளர் வாழ்க்கையில் பாதிக்கப்பட்ட சிலரின் நீதிக்காக போராடும் படமாக வெளியானது. உண்மை சம்பவத்தை மையமாக வைத்து எடுக்கப்பட்டிருந்த இந்தப்படம், மிகப்பெரிய வெற்றியைப் பெற்றது. அதேசமயம் இந்தப்படம் இருளர்களில் ஒரு குடும்பத்தினர் அதிகார துஷ்பிரயோகத்தால் சந்தித்த சோதனைகளை மட்டுமே சொன்னது,.
தற்போது இருளர் வாழ்க்கையின் இன்னும் சொல்லப்படாத பக்கங்களை, ஒரு அருமையான காதல் கதையின் பின்னணியில் மையப்படுத்தி, இருளி என்கிற படம் உருவாக இருக்கிறது.. இயக்குனர் மதன் கேப்ரியல் இந்தப் படத்தை இயக்குகிறார். கதையை முரளிதரன் எழுதியுள்ளார்.
கடந்த பிப்ரவரி 17ஆம் தேதி, கனடா நாட்டில் டொரண்டோவில், இந்த படத்தின் பாடல் பதிவு துவங்கிய அதேசமயம் இங்கே மாமல்லபுரத்தில் இந்த படத்தின் முதல்கட்ட படப்பிடிப்பும் துவங்கியது. விஜய் டிவி புகழ் செந்தில் கணேஷ், ராஜலட்சுமி மும்பை ஹம்ஷிகா ஐயர் உள்ளிட்ட பல பாடகர்கள் இந்த பாடலை பாடியுள்ளனர்.
டேனியல் பாலாஜி, ஆனந்தராஜ், எம்.எஸ்.பாஸ்கர், மனோபாலா ஆகியோருடன் நடிப்பு பயிற்சி பெற்ற மாணவர்கள் பலரும் இந்த படத்தில் நடிக்கின்றனர்..