சந்தானம் நடித்த தில்லுக்கு துட்டு படத்தின் மூலம் இயக்குனராக அறிமுகமானவர் ராம்பாலா. மிரட்டல் பேய் கதைகள் வந்து கொண்டிருந்த தமிழ் சினிமாவில் பேய்களை மிரட்டும் விதமாக ஃபுல் மீல்ஸ் நகைச்சுவை படமாக அதை உருவாக்கி இருந்தார் ராம்பாலா. தற்போது அவரது இயக்கத்தில் சிவா, நிக்கி கல்ராணி ஜோடியாக நடிக்க அதேபோன்ற ஒரு பார்முலாவில் இடியட் என்கிற படம் உருவாகி உள்ளது.
கடந்த வருடமே இந்த படத்தின் ட்ரெய்லர் வெளியான நிலையில் கொரோனா தாக்கம் காரணமாக இதன் ரிலீஸ் தேதி அறிவிக்கப்படாமல் இருந்தது. இந்த நிலையில், படத்தின் டைட்டிலுக்கு ஏற்ப இந்த படத்தை முட்டாள்கள் தினமான ஏப்ரல் 1-ஆம் தேதி வெளியிடுவதாக அதிகாரப்பூர்வமாக அறிவிப்பு வெளியாகி உள்ளது
சிவா என்றாலே நகைச்சுவைக்கு பஞ்சம் இருக்காது அதிலும் சமீப காலமாக வளர்ந்து வரும் நகைச்சுவை நடிகர் ரெடின் கிங்ஸ்லியும் அவருடன் இணைந்திருக்கும் போஸ்டரை பார்க்கும்போதே கலகலப்புக்கு 100% உத்தரவாதம் இருப்பது போன்ற உணர்வு ஏற்படுகிறது.