கடந்த சில மாதங்களுக்கு முன்பு பிரபுதேவா நடித்த பொன் மாணிக்கவேல் திரைப்படம் வெளியானது. இந்த படத்தில் முதன்முறையாக போலீஸ் அதிகாரியாக நடித்திருந்தார் பிரபுதேவா.. இந்த நிலையில் தற்போது முஹாசி என்கிற படத்தில் மீண்டும் அதிரடி போலீஸ் அதிகாரியாக நடிக்கிறார் பிரபுதேவா.
இந்த படத்தில் அவருக்கு காதல், ரொமான்ஸ் எதுவும் கிடையாது.. ஏன், படத்தில் அவருக்கு ஜோடியே இல்லை.. இந்த படத்தை அறிமுக இயக்குனர் சாம் ரோட்ரிக்ஸ் என்பவர் இயக்குகிறார். முக்கியமான கதாபாத்திரங்களில் நடிகர்கள் ஜான்விஜய் விடிவி கணேஷ், மாஸ்டர் மகேந்திரன், பழைய ஜோக் தங்கதுரை மற்றும் மலையாள நட்சத்திரங்கள் பினு பப்பு லியோனா லிசாய் ஆகியோரும் நடித்துள்ளனர்.
இந்த படத்தின் பர்ஸ்ட் லுக் போஸ்டர் தற்போது வெளியாகி உள்ளது. ஒரு போலீஸ் அதிகாரியாக பொன்மணிக்கவேல் படத்தில் ரசிகர்களை முழுமையாக திருப்திப்படுத்தாத பிரபுதேவா, அந்த குறையை இந்த முகாசி படம் மூலம் நிவர்த்தி செய்வார் என என நம்பலாம்.