தமிழில் ‘ஒரு பக்க கதை’ படத்தில் அறிமுகமானாலும் கூட நடிகை மேகா ஆகாஷ், சூப்பர்ஸ்டார் ரஜினிகாந்துடன் பேட்ட,. அதை தொடர்ந்து தனுஷ், சிம்பு ஆகியோருக்கு ஜோடியாக நடித்த படங்கள் மூலம் பிரபலமானார். இதை தொடர்ந்து பாலிவுட்டில் சல்மான்கானுடன் ‘ராதே’ என்கிற படத்திலும் இணைந்து நடிக்கும் வாய்ப்பு கிடைத்தது. தற்போது, யாதும் ஊரே யாவரும் கேளிர், மழை பிடிக்காத மனிதன் ஆகிய படங்களில் நடித்து வருகிறார் மேகா ஆகாஷ்.
இந்தநிலையில் தெலுங்கில் புதிய படம் ஒன்றில் நடித்துவரும் மேகா ஆகாஷ், அந்தப்படத்தில் சிகரெட் பிடிக்கும் காட்சியில் நடித்துள்ளார். இன்னும் டைட்டில் வைக்கப்படாத அந்தப்படத்தின் போஸ்டர் தற்போது வெளியாகி பரபரப்பை ஏற்படுத்தி உள்ளது. இந்தப்படத்தை அபிமன்யு பட்டி என்பவர் இயக்குகிறார். இந்தப்படத்தை மேகா ஆகாஷின் அம்மா பிந்து ஆகாஷே தயாரிக்கிறார் என்பது இன்னொரு ஆச்சர்யம்.