சூப்பர்ஸ்டார் ரஜினியின் கோடிக்கணக்கான ரசிகர்களில் வெகு சிலருக்கு மட்டுமே அவரை சந்தித்து பேசுகின்ற பாக்கியம் கிடைக்கிறது.. ரசிகர்களை சந்திக்கின்ற எந்த ஒரு வாய்ப்பாக இருந்தாலும் அவர் அதை எப்போதும் மறுத்ததில்லை. அப்படி ஒரு ரசிகருக்கு ரஜினிகாந்த் தொலைபேசியில் தொடர்பு கொண்டு பேசிய ஆடியோ ஒன்று தற்போது வெளியாகி சோஷியல் மீடியாவில் வைரலாகி வருகிறது.
திருப்பூர் மாவட்டத்தை சேர்ந்த ரஜினி ரஞ்சித் என்கிற ரசிகர் களிமண்ணிலேயே ரஜினியின் உருவத்தை தத்ரூபமாக வடிவமைத்துள்ளார். அதை சோஷியல் மீடியாவில் வீடியோவாக பதிவிட்டு, ரஜினியிடம் தலைவா உங்கள் வாழ்த்து வேண்டும் என்கிற தனது விருப்பத்தையும் வெளியிட்டார்..
பிற்பகல் அவர் வெளியிட்ட அந்த வீடியோ சூப்பர்ஸ்டார் ரஜினியின் கவனத்துக்கு அன்றே செல்ல, உடனே, அந்த ரசிகரை தொலைபேசியில் அழைத்து பாராட்டியதுடன், விரைவில் அவரை சந்திப்பதாகவும் கூறி அவரை சிலிர்க்க வைத்துள்ளார் ரஜினி..