விஜய் சேதுபதி இயக்குனர் மணிகண்டன் உடன் மீண்டும் கூட்டணி அமைக்க இருப்பதாகக் கூறப்படுகிறது.
இயக்குனர் மணிகண்டன் ‘காக்கா முட்டை’ படத்தின் மூலம் இயக்குனராக அறிமுகமானார். அந்தப் படத்திற்கு தேசிய விருது கிடைத்தது குறிப்பிடத்தக்கது. அந்தப் படத்தை அடுத்து விஜய் சேதுபதி உடன் ‘ஆண்டவன் கட்டளை’ படத்தில் கூட்டணி அமைத்தார். அந்தப் படமும் விமர்சன ரீதியாக நல்ல வரவேற்பைப் பெற்றது.
அதையடுத்து கடைசி விவசாயி படத்தில் மீண்டும் ஆண்டவன் கட்டளை கூட்டணி இரண்டாவதாக கூட்டணி அமைத்தனர். இளையராஜா இந்தப் படத்திற்கு இசையமைத்துள்ளார். இந்தப் படத்தில் விஜய் சேதுபதியின் வித்தியாசாமான கெட்டப் படத்தின் மீது அதிக எதிர்பார்ப்பை உருவாகியிருக்கிறது. விவசாயத்தைக் காக்கப் போராடும் 80 வயது மனிதனின் போராட்டம் தான் இந்தப் படம்.
கடைசி விவசாயி திரைப்படம் சோனி லைவ் ஓடிடி தளத்தில் வெளியாக இருப்பது உறுதியாகியுள்ளது.
இந்நிலையில் மணிகண்டன்- விஜய் சேதுபதி கூட்டணி மூன்றாவது முறையாக புதிய படத்திற்காகக் கூட்டணி அமைக்க இருப்பதாகக் கூறப்படுகிறது. கிராமப்புற கதைக்களம் கொண்ட ஆக்ஷன் படமாக இப்படம் உருவாக இருப்பதாகவும் கூறப்படுகிறது. நவம்பர் மாதம் முதல் இந்தப் படம் துவங்க உள்ளதாம். படம் குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.