கவுண்டமணியைச் சந்தித்துள்ள சிவகார்த்திகேயன்!

நடிகர் சிவகார்த்திகேயன் காமெடி நடிகர் கவுண்டமணியைச் சந்தித்துள்ள புகைப்படம் இணையத்தில் வைரலாகி வருகிறது.

நேற்று நடிகர் சிவகார்த்திகேயன் பழம்பெரும் காமெடி நடிகர் கவுண்டமணியை அவரது இல்லத்திற்கு சென்று சந்தித்துள்ளார். அந்தப் புகைப்படங்கள் இணையத்தில் வைரலாகி வருகின்றன.  

அந்தப் புகைப்படத்தை வெளியிட்டுள்ள  சிவகார்த்திகேயன் லெஜெண்ட் உடன் சந்திப்பு. மிகச் சிறந்த தருணம் இந்த நாள் நீண்ட நாட்கள் மறக்க முடியாததாக இருக்கும்.” என்று தெரிவித்துள்ளார். இந்தச் சந்திப்பை அடுத்து இருவரும் சேர்ந்து நடிக்க உள்ளனரா என்ற எதிர்ர்பார்ப்பும் உருவாகியுள்ளது.

தமிழ் சினிமாவின் பிரபல காமெடியனாக வலம் வந்த கவுண்டமணி தற்போது படங்களில் நடிக்காமல் ஓய்வில் இருந்து வருகிறார். அவர் 2016-ம் ஆண்டு வெளியான வாய்மை என்ற படத்தில் கடைசியாக நடித்திருந்தார்.

இதற்கிடையில் சிவகார்த்திகேயன் சிபிசக்கரவர்த்தி இயக்கத்தில் டான் படத்தில் நடித்து வருகிறார்.