சமந்தா விருது பெற்றதை ‘காத்து வாக்குல ரெண்டு காதல்’ பட படப்பிடிப்பில் கேக் வெட்டிக் கொண்டாடிய புகைப்படங்கள் இணையத்தில் வைரலாகி வருகின்றன.
விக்னேஷ் சிவன் இயக்கத்தில் விஜய்சேதுபதி, நயன்தாரா, சமந்தா ஆகியோர் நடிப்பில் ‘காத்து வாக்குல ரெண்டு காதல்’ என்ற படம் உருவாகி வருகிறது. விக்னேஷ் சிவனின் முந்தைய படங்கள் போலவே இந்தப் படமும் காமெடி ரொமான்ஸ் ஜேர்னரில் உருவாகி வருகிறது. 7 ஸ்கிரீன் ஸ்டுடியோ நிறுவனம் இப்படத்தைத் தயாரிக்கின்றனர்.
இந்த படத்திற்கு அனிருத் இசையமைக்கிறார். தற்போது இந்தப் படத்தின் படப்பிடிப்பு பாண்டிசேரியில் நடைபெற்று வருகிறது. எனவே விஜய் சேதுபதி, நயன்தாரா,சமந்தா உள்ளிட்ட படக்குழுவினர் பாண்டிச்சேரியில் உள்ளனர்.
சமந்தா பேமிலி மேன் 2 வெப் சீரிஸில் நடித்ததற்காக மெல்போர்ன் இந்திய திரைப்பட விருது விழாவில் வெப் சீரிஸ் பிரிவில் சிறந்த நடிகையாக தேர்ந்தெடுக்கப்பட்டுள்ளார். அதையடுத்து சமந்தாவுக்கு பலரும் வாழ்த்துக்கள் தெரிவித்தனர்.
தற்போது காத்து வாக்குல ரெண்டு காதல் படக்குழுவினர் சமந்தா சிறந்த நடிகையாகத் தேர்வு செய்யப்பட்டதை அடுத்து அதை படப்பிடிப்புத் தளத்தில் கேக் வெட்டிக் கொண்டாடியுள்ளனர். அந்தப் புகைப்படங்கள் இணையத்தில் வைரலாகி வருகின்றன.