தமிழகத்தில் சுமார் 4 மாதங்களுக்குப் பிறகு இன்று முதல் 50% பார்வையாளர்களுடன் தியேட்டர்கள் திறக்கப்பட உள்ளன.
கொரோனா பரவலை கருத்தில் கொண்டு தமிழ்நாட்டில் மக்கள் அதிகம் கூடும் இடங்களுக்கு தடை விதிக்கப்பட்டது . அந்த வகையில் கடந்த மே மாதம் கொரோனா உச்சத்தில் இருந்த போது தியேட்டர்கள் மூடப்பட்டன. இதை தொடர்ந்து கொரோனா படிப்படியாக குறைய தொடங்கியதால் தியேட்டர்களை திறக்க தியேட்டர் உரிமையாளர்கள் சங்கம் தொடர்ந்து கோரிக்கை வைத்து வந்தது. இந்நிலையில் தமிழகத்தில் சுமார் 4 மாதங்களுக்குப் பிறகு இன்று முதல் 50 சதவீத பார்வையாளர்களுடன் தியேட்டர்கள் இயங்க உள்ளன. ஊழியர்கள் தடுப்பூசி போட்டு இருக்க வேண்டும் என்ற கட்டுப்பாட்டுடன் தியேட்டர்களில் இன்று முதல் திறக்கப்படுகின்றன. இதனால் தியேட்டர் உரிமையாளர்கள் மற்றும் சினிமா ரசிகர்கள் மகிழ்ச்சியடைந்துள்ளனர்.