கருணாஸின் மகன் கென் இசையமைத்துள்ள பாடலை நடிகர் தனுஷ் மற்றும் இயக்குநர் வெற்றிமாறன் ஆகியோர் தங்கள் சமூக வலைதள பக்கத்தில் வெளியிடுகின்றனர்.
நடிகர் , பாடகர், இசையமைப்பாளர் என பண்முகம் கொண்டவர் நடிகர் கருணாஸ். இவரது மகன் கென், வெற்றிமாறன் இயக்கத்தில் தனுஷ் நடிப்பில் வெளியான அசுரன் படத்தில் முக்கிய வேடத்தில் நடித்திருந்தார். இந்தப் படத்தில் கென் நடிப்பிற்கு நல்ல வரவேற்பு கிடைத்தது.
இந்த நிலையில் கென் மற்றும் அவரது நண்பர் ஈஸ்வர் இணைந்து வாடா ராசா என்ற பாடலுக்கு இசையமைத்துள்ளனர். இந்தப் பாடலில் கருணாஸ் மனைவி கிரேஸ் பாடி நடித்துள்ளார். அவருடன் இணைந்து இந்தப் பாடலில் சித்தி 2 புகழ் ப்ரீத்தி சர்மாவும் தோன்றவுள்ளார். இந்தப் பாடல் நாளை மாலை 5 மணிக்கு வெளியாகவுள்ளது.
இந்தப் பாடலை நடிகர் தனுஷ் தனது ட்விட்டர் பக்கத்திலும், இயக்குநர் வெற்றிமாறன் தனது முகநூல் பக்கத்திலும் வெளியிடவுள்ளனர். இந்தப் பாடலை வெங்கி இயக்க, நடன இயக்குநர் சாண்டி இந்தப் பாடலுக்கு நடனம் அமைத்துள்ளார். இந்தப் பாடலின் மீதான எதிர்பார்ப்பு அதிகரித்துள்ளது.