விஜய் சேதுபதி நடிப்பில் உருவாகியுள்ள ‘துக்ளக் தர்பார்’ திரைப்படம் விநாயகர் சதுர்த்தி தினத்தில் நேரடியாக சன் டிவியில் ஒளிப்பரப்பாகத் தெரிவிக்கப்படுகிறது.
ல்லி தீனதயாளன் இயக்கத்தில் விஜய் சேதுபதி நடிப்பில் உருவாகியுள்ளது துக்ளக் தர்பார் திரைப்படம். இப்படத்தை லலித் குமார் தயாரித்துள்ளார். இந்தப் படத்தில் பார்த்திபன், ராஷி கன்னா, காயத்ரி, மஞ்சிமா மோகன் உள்ளிட்டோர் முக்கிய கதாபாத்திரங்களில் நடித்துள்ளனர். கோவிந்த் வசந்தா இப்படத்திற்கு இசையமைத்துள்ளார்.
அரசியல் களத்தை மையமாக வைத்து உருவாகியுள்ள இந்தப் படத்திற்கு தமிழ் சினிமாவில் நல்ல எதிர்பார்ப்பு நிலவி வருகிறது. இந்தப் படம் ஓடிடி-யில் வெளியாக இருப்பதாக நீண்ட நாட்களாகத் தெரிவிக்கப்பட்டு வந்தது. அதையடுத்து சன் டிவியில் நேரடியாக ஒளிப்பரப்பாகத் தெரிவிக்கப்பட்டது.
தற்போது துக்ளக் தர்பார் திரைப்படம் விநாயகர் சதுர்த்தி அன்று வரும் செப்டம்பர் மாதம் 19ம் தேதி மாலை 6.30 மணிக்கு வெளியாக இருப்பதாகத் தெரிவிக்கப்பட்டுள்ளது. மேலும் உடனடியாக நெட்பிளிக்ஸிலும் படம் வெளியாக இருப்பதாகத் தெரிவிக்கப்பட்டுள்ளது.
இதற்கிடையில் விஜய் சேதுபதி நடிப்பில் உருவாகியுள்ள லாபம், மாமனிதன், கடைசி விவசாயி, யாதும் ஊரே யாவரும் கேளிர் உள்ளிட்ட பல படங்கள் ரிலீசுக்கு தயாராக உள்ளது குறிப்பிடத்தக்கது.