உடற்பயிற்சி செய்தபோது தவறி விழுந்து நடிகர் கார்த்திக் காலில் கடுமையான காயம் ஏற்பட்டுள்ளது. இதையடுத்து அவர் மருத்துவமனையில் சிகிச்சைக்காக சேர்க்கப்பட்டு இருக்கிறார்.
இவரின் துடுக்குத்தனமான நடிப்பும் வெகுளியான சிரிப்பிற்கும் ஏகப்பட்ட ரசிகர்கள் . தன்னுடைய நகைச்சுவை நடிப்பால் எல்லா விதமான ரசிகர்களையும் கவர்ந்தார். பாரதிராஜா இயக்கிய அலைகள் ஓய்வதில்லை என்ற திரைப்படத்தின் மூலம் அறிமுகமானவர் நடிகர் கார்த்திக். அதன் பிறகு மவுனராகம், மேட்டுகுடி, உள்ளத்தை அள்ளித்தா, உனக்காக எல்லாம் உனக்காக, அமரன் கிழக்குவாசல், அக்னி நட்சத்திரம் என்று பல வெற்றிப் படங்களைக் கொடுத்தார்.
இந்த நிலையில் திடீரென நேற்று இரவு உடற்பயிற்சி செய்ததில் கீழே விழுந்தது காலில் பலத்த காயம் ஏற்பட்டுள்ளது.