ஆர்யா 2005 ஆம் ஆண்டு விஷ்ணுவர்தன் இயக்கிய அறிந்தும் அறியாமலும் என்ற திரைப்படத்தின் மூலம் தான் சினிமா உலகிற்கு அறிமுகமானார். இதனை தொடர்ந்து ஒரு கல்லூரியின் கதை, பட்டியல், நான் கடவுள், மதராசபட்டினம், பாஸ் என்கிற பாஸ்கரன், வேட்டை, ராஜா ராணி ,இரண்டாம் உலகம், கஜினிகாந்த், டெடி, சார்பட்டா பரம்பரை என பல படங்களில் நடித்து உள்ளார்.
நீண்டகாலமாக திருமணம் செய்யாமல் இருந்த ஆர்யா இரண்டு வருடங்களுக்கு முன் சாயிஷா என்னும் நடிகையை காதலித்து திருமணம் செய்தார்.தற்போது இவர் நடிப்பில் வெளியான சார்பட்டா பரம்பரை படம் பட்டிதொட்டியெங்கும் பட்டையை கிளப்பி வருகிறது. இந்த நிலையில் இந்த தம்பதிக்கு நேற்று இரவு பெண் குழந்தை பிறந்துள்ளதாக நடிகர் விஷால் Tweet செய்துள்ளார். அதில் “நான் மாமா ஆயிட்டேன்” என்று பெருமிதம் கொண்டுள்ளார்.