கவின் நடிப்பில் உருவாகி வரும் லிப்ட் படத்தின் இரண்டாம் பாடல் வெளியாகியுள்ளது.
பிக்பாஸ் கவின் வினித் வரபிரசாத் என்பவர் இயக்கத்தில் லிப்ட் படத்தில் நடித்துள்ளார். அம்ரிதா ஐயர் கதாநாயகியாக நடித்துள்ளார். ஈகா எண்டர்டெயின்மெண்ட் சார்பில் ஹேப்ஸி இப்படத்தை தயாரித்துள்ளார். அந்தப் படத்திற்கு மைக்கேல் பிரிட்டோ இசையமைத்துள்ளார்.
கவினுக்கும் ஏராளமான ரசிகர்கள் உள்ளதால் லிப்ட் படத்திற்கு கோலிவுட்டில் நல்ல எதிர்பார்ப்பு நிலவி வருகிறது. லிப்ட் படத்திலிருந்து வெளியான முதல் பாடலான ‘இன்னா மயிலு’ பாடலுக்கு பெரும் வரவேற்பு கிடைத்தது. அந்தப் பாடலை சிவகார்த்திகேயன் மற்றும் பூவையார் இணைந்து பாடியிருந்தனர். அந்தப் பாடலுக்கு 20 மில்லியனுக்கும் அதிகமான பார்வைகள் கிடைத்துள்ளது குறிப்பிடத்தக்கது.
இந்நிலையில் தற்போது லிப்ட் படத்தின் இரண்டாம் பாடலான ‘ஹே ப்ரோ’ என்ற பாடல் வெளியாகியுள்ளது. இந்தப் பாடலை அனிருத் வெளியிட்டுள்ளார். கிருத்திகா நெல்சன், அதீஃப் முஹம்மது, பென் கிங்ஸ்லி ஆகியோர் இந்தப் பாடலை பாடியுள்ளனர். முதலில் ராப் உடன் ஆரம்பிக்கும் பாடல் பின்னர் மெலடியாக மாறி ரசிக்க வைக்கிறது. இன்னா மயிலு பாடலைப் போலவே இந்தப் பாடலையும் நல்ல வரவேற்பைப் பெறும் என்று எதிர்பார்க்கப்படுகிறது.