வலிமை படத்தின் படப்பிடிப்பிற்காக அஜித் ஐரோப்பா செல்ல இருப்பதாகக் கூறப்படுகிறது.
நேர்கொண்ட பார்வை படத்தை அடுத்து எச்.வினோத் மற்றும் அஜித் கூட்டணி இரண்டாவது முறையாக வலிமை படத்தில் இணைந்துள்ளனர். வலிமை படம் அறிவிக்கப்பட்டு இரண்டு வருடங்களுக்கு மேல் ஆகியும் அப்டேட் ஏதும் வெளியாகாமல் இருந்து வந்தது. அதனால் ரசிகர்கள் திக்குமுக்காடும் வகையில் போனி கபூர் அப்டேட் மேல் அப்டேட் கொடுத்து ரசிகர்களை உற்சாகத்தில் ஆழ்த்தியுள்ளார்.
எந்தவித முன்னறிவிப்பும் இல்லாமல் வலிமை படத்தின் மோஷன் போஸ்டர், ஃபர்ஸ்ட் லுக் மற்றும் மேலும் பல போஸ்டர்கள் வெளியாகியது. ஒரே நேரத்தில் பல அப்டேட்கள் கிடைத்துள்ளதால் அஜித் ரசிகர்கள் அதைக் கொண்டாடினர். ஒவ்வொரு போஸ்டரிலும் அஜித் ஸ்டைலிஷ் ஆன தோற்றத்தில் மிரட்டுகிறார். சில போஸ்டர்கள் ஹாலிவுட் தரத்தில் உள்ளன.
தற்போது வலிமை படத்தின் படப்பிடிப்பிற்காக படக்குழுவினர் ஐரோப்பா செல்ல இருப்பதாகக் கூறப்படுகிறது.
இயக்குனர் வினோத், அஜித் மற்றும் படக்குழுவினர் சிலர் கடந்த சில நாட்களாக ஹைதராபாத்தில் படப்பிடிப்பு நடத்தி வருகின்றனர். மூன்று நாட்கள் படப்பிடிப்பில் ஈடுபட்டுள்ள அஜித் இன்று சென்னை திரும்புவதாகக் கூறப்படுகிறது. மேலும் பத்து நாட்கள் படப்பிடிப்பை நடத்துவதற்காக படக்குழுவினர் கிழக்கு ஐரோப்பாவிற்கு செல்ல இருப்பதாகவும் கூறப்படுகிறது. அங்கு சில ஆக்ஷன் காட்சிகளை படமாக்க இருப்பதாகவும் பத்து நாட்கள் அந்த படப்பிடிப்பு நடைபெறுவதாக இருப்பதாகவும் கூறப்படுகிறது. வலிமை படத்தில் வில்லனாக நடிக்கும் கன்னட நடிகர் கார்த்திகேயாவும் ஐரோப்பா செல்ல இருப்பதாகக் கூறப்படுகிறது.
படக்குழுவினர் கடந்த ஓராண்டாக ஐரோப்பா செல்வது தள்ளிப்போய் கொண்டே வருகிறது. தற்போது வெளிநாட்டு பயணங்களுக்கு அனுமதி அளிக்கப்பட்டு வருவதால் படக்குழு வெளிநாடு பறக்கத் தயாராகியுள்ளனர். இந்தாண்டு படம் வெளியாக இருப்பதாக அறிவிக்கப்பட்டுள்ளதால் விரைவில் படப்பிடிப்பை முடித்து இறுதி கட்ட பணிகளைத் துவங்குவார்கள் என்றுஎதிர்பார்க்கப்படுகிறது.