வெற்றிமாறன் மற்றும் கமல்ஹாசன் புதிய படத்திற்காக கூட்டணி அமைக்க இருப்பதாகக் கூறப்படுகிறது.
வெற்றிமாறன் தமிழ் சினிமாவின் நட்சத்திர இயக்குனராக உருவெடுத்துள்ளார். நடிகர்களைப் போலவே வெற்றிமாறனுக்கும் பல ரசிகர்கள் உள்ளனர். எனவே வெற்றிமாறன் இயக்கம் என்பதற்காகவே படம் பார்க்கும் ஏராளமான ரசிகர்கள் உள்ளனர்.
வெற்றிமாறன் தற்போது சூரி மற்றும் விஜய் சேதுபதி நடிப்பில் விடுதலை படத்தை இயக்கி வருகிறார். இந்நிலையில் தற்போது வெற்றிமாறன் அடுத்து கமல்ஹாசன் நடிப்பில் புதிய படத்தை இயக்க இருப்பதாகக் சினிமா வட்டாரங்களில் கூறப்படுகிறது. தற்போது கமல் ஹாசன் லோகேஷ் கனகராஜ் இயக்கத்தில் ‘விக்ரம்’ படத்தில் நடித்து வருகிறார்.
கமல்ஹாசன் மற்றும் வெற்றிமாறன் கூட்டணி என்றால் அது வேற லெவலில் இருக்கும் என்று கோலிவுட் ரசிகர்கள் மிகவும் ஆர்வத்தில் உள்ளனர்.
‘விடுதலை’ படத்தை அடுத்து வெற்றிமாறன் சூர்யா நடிப்பில் ‘வாடிவாசல்’ படத்தை இயக்க உள்ளார். அந்தப் படத்தை அடுத்து கமலுடன் கூட்டணி அமைக்கலாம் என்று எதிர்பார்க்கப்படுகிறது.