கடந்த இரண்டு வருடங்களுக்கு முன்பு சாந்தகுமார் இயக்கத்தில் ஆர்யா நடிப்பில் வெளியான படம் மகாமுனி. ஆர்யா 2 வேடங்களில் நடித்திருந்த இந்தபடத்தில் இந்துஜா, மகிமா ஆகியோர் கதாநாயகிகளாக நடித்திருந்தனர் இந்த படம் வணிக ரீதியாக மிகப்பெரிய வெற்றியை பெறவில்லை என்றாலும்,
பல விருதுகளை அள்ளியது குறிப்பாக ஐரோப்பிய சர்வதேச திரைப்பட விழாவில் கலந்துகொண்ட 700 படங்களுடன் போட்டியிட்டு, இறுதி பட்டியலில் இடம் பிடித்தது.
அந்தவகையில் ஆர்யாவின் திரையுலக பயணத்தில் ஒரு மைல்கல்லாக அமைந்த இந்தப்படத்தை அடுத்து, மீண்டும் சாந்தகுமாருடன் இணைந்து பணியாற்ற உள்ளாராம் ஆர்யா. இதுபற்றி ஆர்யா தரப்பில் கூறும்போது, மகாமுனி படம் ரிலீசான சமயத்திலேயே சாந்தகுமாருடன் இணைந்து இன்னொரு படம் பணியாற்றுவது என்பது, ஏற்கனவே எடுத்த முடிவு தான் என்று கூறுகிறார்கள்.