படத்தை விளம்பரப்படுத்தும் விதமாக, ட்விட்டர் எமோஜியை வெளியிட்டுள்ளது ‘ஜகமே தந்திரம்’ படக்குழு.
கார்த்திக் சுப்புராஜ் இயக்கத்தில் தனுஷ், ஜேம்ஸ் காஸ்மோ, ஜோஜு, கலையரசன், ஐஸ்வர்யா லட்சுமி உள்ளிட்ட பலர் நடிப்பில் உருவாகியுள்ள படம் ‘ஜகமே தந்திரம்’. ஒய் நாட் ஸ்டுடியோஸ் நிறுவனம் தயாரித்துள்ள இந்தப் படத்துக்கு சந்தோஷ் நாராயணன் இசையமைத்துள்ளார்.படத்தை விளம்பரப்படுத்தும் விதமாக, ட்விட்டர் எமோஜியை வெளியிட்டுள்ளது ‘ஜகமே தந்திரம்’ படக்குழு.
தனுஷ் நடிப்பில் வெளியான படங்களில், ட்விட்டர் எமோஜி கொண்ட முதல் படமாக ‘ஜகமே தந்திரம்’ அமைந்துள்ளது. இந்த ட்விட்டர் எமோஜி செப்டம்பர் 2-ம் தேதி வரை ட்விட்டர் தளத்தில் இருக்கும். இதற்கு முன்னதாக ‘மெர்சல்’, ‘பிகில்’, ‘காலா’, ‘2.0’, ‘என்.ஜி.கே’, ‘சூரரைப் போற்று’ மற்றும் ‘மாஸ்டர்’ உள்ளிட்ட படங்களுக்கு ட்விட்டர் எமோஜி இடம்பெற்றிருந்தது குறிப்பிடத்தக்கது.