சக்தி செளந்தராஜன் இயக்கத்தில் ஆர்யா சாயிஷா முதன் முதலாக இணைந்து நடித்துள்ள ‘டெடி’ படத்தின் படப்பிடிப்பு சில மாதங்களுக்கு முன் முடிவடைந்தது நாம் அனைவரும் அறிந்ததே. இப் படத்தின் போஸ்ட் புரடொக்ஷன் பணிகள் விறுவிறுப்பாக நடைபெற்று வரும் நிலையில் படத்தின் விறுப்பான “டீசர்” வீடியோ சில மாதங்களுக்கு முன் யூடியூபில் வெளியாகி ரசிகர்கள் மத்தியில் நல்ல வரவேற்பை பெற்றது.
“டெடி” படம் ரிலீஸுக்கு தயாராக இருந்த நிலையில் கொரோனா ஊரடங்கால் தள்ளி போனது. இந்த நிலையில் டெடி படத்தை ஓடிடியில் நேரடியாக ரிலிஸ் செய்ய தயாரிப்பு நிறுவனம் முன்னணி ஓடிடி நிறுவனத்திடம் பேச்சுவார்த்தை நடத்தி வந்தனர்.
டெடி படத்தில் சதீஷ், மசூம் ஷங்கர், இயக்குநர் மகிழ் திருமேனி, சாக்ஷி அகர்வால் என பலர் முக்கிய கதாபாத்திரங்களில் நடித்துள்ளனர். டெடி படத்தை ஸ்டுடியோ க்ரீன் நிறுவனம் சார்பில் ஞானவேல் ராஜா தயாரித்துள்ளார்.
இந்நிலையில் இப்படத்தை டிஸ்னி ஹாட்ஸ்டாரில் ரிலீஸ் ஆக உள்ளதாக கூறப்படுகிறது. இதுகுறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.