நடிகர் தனுஷ் நடித்து இந்தியில் 2013ல் வெளியான படம் ராஞ்சனா. தமிழில் அம்பிகாபதி என்ற பெயரில் வெளியானது. இத்திரைப்படம் தான் நடிகர் தனுஷின் முதல் இந்தி திரைப்படமாகும். இந்த படத்தை ஆனந்த எல் ராய் இயக்க ஏ.ஆர்.ரகுமான் இசையமைத்திருந்தார். தற்போது இதே கூட்டணியில் மற்றுமொரு படம் உருவாகிவுள்ளது.
‘அத்ரங்கி ரே’ என பெயரிடப்பட்டுள்ள இப்படத்தில் தனுஷ் மற்றும் அக்ஷய்குமார் முன்னணி நடிகர்களாக நடிக்க ஆனந்த எல் ராய் இயக்குகிறார். ஏ.ஆர்.ரகுமான் இசையமைக்கிறார். சாரா அலி கான் நாயகியாக நடித்துள்ளார்.
இந்நிலையில் கொரோனா பாதிப்பு குறைந்து படப்பிடிப்பு பணிகள் மெல்ல தொடங்கி வரும் நிலையில், அக்டோபர் மாதத்தில் ‘அத்ரங்கி ரே’ படப்பிடிப்பை தொடங்கி விறுவிறுப்பாக நடைபெற்று வருகிறது. இந்த படத்தில் தனுஷ் தமிழகத்தை சேர்ந்த இளைஞனாகவே நடித்துள்ளார்.
காரைக்குடி மற்றும் டெல்லி பகுதியில் நடைபெற்ற ஷூட்டிங்கில் கலந்து கொண்ட தனுஷ் தற்போது இறுதி கட்டத்தை நெருங்கியுள்ளது. இறுதிக்கட்ட படபிடிப்பில் பிரபல நடிகர் அக்ஷய் குமார் கலந்து கொண்டுள்ளார்.
தனுஷின் ‘அத்ரங்கி ரே’ படத்தில் இணைந்த அக்சய்குமார் !
