தமிழ் சினிமாவின் முன்னணி இயக்குனர் மகேந்திரனின் மகன் ஜான் மகேந்திரன் தனது அடுத்த பட அறிவிப்பை வெளியிட்டுள்ளார். இவர் தளபதி யின் நடிப்பில் கலைப்புலி எஸ் தாணு அவர்கள் தயாரித்த சச்சின் திரைப்படம் மூலம் தமிழ் சினிமாவில் கால் பதித்தார்.
பிரபல இயக்குனர் மகேந்திரன் தமிழில் காலத்தால் அழியாத பல பொக்கிஷமான படங்களை இயக்கியவர். இவருடைய மகன் ஜான் மகேந்திரனும் தமிழ் மற்றும் தெலுங்கில் சில படங்களை இயக்கியுள்ளார்.
‘பிரேமஞ்சேடி எண்டுகம்மா’ என்ற தெலுங்கு படத்தின் மூலம் ஜான் மகேந்திரன் இயக்குனராக அறிமுகமானார். பின்னர் ‘நீத்தோ’ என்ற படத்தையும் இயக்கினார்.
2005ம் ஆண்டு தளபதி விஜய் மற்றும் ஜெனிலியா நடிப்பில் வெளியான ‘சச்சின்’ படத்தின் மூலம் தமிழில் இயக்குனராக அறிமுகமானார் ஜான். சச்சின் படம் இப்போதும் கூட ரசிகர்கள் மத்தியில் ஃபேவரைட் படமாக இருந்து வருகிறது. இவர் கடைசியாக ‘ஆனிவேர்’ என்ற படத்தை 2007-ல் இயக்கியிருந்தார். அதன்பின் எந்த படமும் இவர் இயக்கவில்லை. கடந்த சில ஆண்டுகளாக, சில படங்களுக்கு மட்டும் திரைக்கதை மற்றும் வசனம் எழுதியுள்ளார்.
இந்நிலையில், தற்போது ஜான் மகேந்திரன் நடிகராக அறிமுகமாக உள்ளார். ‘கேசினோ’ என்ற படத்தில் ஜான் மகேந்திரன் முக்கிய கதாபாத்திரத்தில் நடிக்க உள்ளார். இப்படத்தை மார்க் ஜோயல் என்பவர் இயக்குகிறார். முதல் படத்திலேயே அனைவரது பாராட்டையும் பெற்ற மெஹந்தி சர்க்கஸ் ஹீரோ மதமப்பட்டி ரங்கராஜ் நடிக்கிறார் கூடவே வாணி போஜன் இப்படத்தில் நடிக்கிறார்.