தேசிய விருது பெற்ற இயக்குனர் பாலாவின் இயக்கத்தில் மாபெரும் வெற்றி பெற்ற திரைப்படம் ‘அவன் இவன்’ . இத்திரைப்படத்தில் விஷால் மற்றும் ஆர்யா இணைந்து நடித்தனர். இந்த படத்தில் இருவர் நடிப்பும்அதிகமாக பராட்டப்பெற்றது குறிப்பாக விஷால் நடிப்பு. அவரது நடிப்பிற்கு தேசிய விருது வழங்காதது மிகப்பெரிய தவறு. நிஜ வாழ்க்கையில் ஆர்யா மற்றும் விஷால் நெருங்கிய நண்பர்கள்.
தற்போது ஒன்பது ஆண்டுகள் கழித்து மீண்டும் ஆனந்த் சங்கர் இயக்கத்தில் இருவரும் இணைந்து நடிக்க உள்ளதாக அதிகாரப்பூர்வ அறிவிப்பு வெளியாகியுள்ளது. விஷால் நாயகனாகவும், ஆர்யா வில்லனாகவும் நடிக்கவுள்ளதாக படக்குழுவினர் தெரிவித்துள்ளனர்.
“மினி ஸ்டுடியோஸ் தமிழில் தயாரிக்கும் நான்காவது படமாகும். இப்படத்தை அரிமா நம்பி, இருமுகன் புகழ் ஆனந்த் ஷங்கர் இயக்குகிறார். இந்த படம் மினி ஸ்டூடியோஸ் நிறுவனத்தின் ஒன்பதாவது தயாரிப்பு ஆகும். பிரபல ஒளிப்பதிவாளர் ஆர்டி ராஜசேகர் ஒளிப்பதிவு செய்கிறார்.
இத்திரைப்படம் பல மொழிகளில் வெளியாக இருக்கிறது. இப்படத்தின் படப்பிடிப்புகள் ஐதராபாத்தில் ராமோஜி பிலிம் சிட்டியில் பூஜையுடன் கடந்த மாதம் துவங்கி ஒரு ஷடியூல் முடிவடைந்துள்ளது.
விஷாலின் 30வது படமாகவும், ஆர்யாவின் 32வது படமாகவும் உருவாகும் இந்த படத்தின் டைட்டிலை நாளை மாலை 5 மணிக்கு விஷால் மற்றும் ஆர்யா இணைந்து அறிவிப்பார்கள்.