விஷால் நடிகராக மட்டும் இல்லாமல் விஷால் பில்ம் பேக்டரி என்ற பெயரில் தயாரிப்பு நிறுவனம் ஒன்றையும் நடத்தி வருகிறார். அதில் அவர் நடித்த பாண்டியநாடு, ஆம்பள, துப்பறிவாளன், இரும்புத்திரை என பல ஹிட் படங்கள் தயாரிக்கப்பட்டன. தற்போது சக்ரா மற்றும் துப்பறிவாளன் 2 ஆகிய படங்கள் தயாரிப்பில் உள்ளன.
விஷால் ஜோடியாக ரெஜினா மற்றும் ஷ்ராதா ஸ்ரீநாத் நடித்துள்ளனர். யுவன் ஷங்கர் ராஜா இசையமைத்துள்ளார். படப்பிடிப்பு முடிவடைந்த நிலையில், படத்தின் போஸ்ட் ப்ரோடுக்ஷன் பணிகள் நடைபெற்று வருகிறது. சைபர் க்ரைம் பற்றிய படம்தான் “சக்ரா”.
விஷால் தனது விஷால் பிலிம் பேக்டரி மூலம் தயாரித்துள்ள திரைப்படம் “சக்ரா”. இப்படத்தை எம்.எஸ். ஆனந்தன் இயக்கியுள்ளார், இவர் இயக்குனர் எழிலிடம் உதவியாளராகப் பணிபுரிந்தவர். ‘சக்ரா’ படத்தின் ட்ரெய்லர் ஏற்கனவே ரசிகர்கள் மத்தியில் பெரும் வரவேற்பை பெற்றுள்ளது.
‘சக்ரா’ படத்தின் டெஸ்ட் ப்ரிவியூ எனப்படும் சோதனை முறையிலான முன் திரையீட்டுக் காட்சிகள் திரையிடப்பட்டு வருகின்றன. சமீபத்தில் படம் பார்த்தவர்கள் தங்கள் அபிப்ராயங்கள் மூலம் பரவலான வரவேற்பை அளித்துள்ளனர்.
டெஸ்ட் ப்ரிவியூ காட்சிக்கு வருபவர்களிடம் படம் பற்றிய பின்னூட்டம் பெறுவதற்காக ஒரு கேள்வித்தாள் வழங்கப்படும். அதில் அவர்கள் ஆணா பெண்ணா? வயது, தொழில், படத்தில் நேர்நிலை அம்சம் எது? படத்தில் உயிர்ப்போடு இருக்கும் காட்சியுள்ள பகுதி எது? எதிர்மறை அம்சம் எது? பிடிக்காத காட்சி எது? ஒட்டு மொத்த மதிப்பெண் என்ன, நட்சத்திரங்களின் எண்ணிக்கைகளில்? போன்ற கேள்விகள் கேட்கப்பட்டுப் பதில்கள் பெறப்பட்டன.
பெரும்பாலானவர்கள் நேர் நிலையான பதில்களை அளித்து தங்களது திருப்தியையும் மகிழ்ச்சியையும் வெளிப்படுத்தியுள்ளனர் .இதனால் படக்குழுவினர் மிகவும் மகிழ்ச்சியாக உள்ளனர்.
இந்த நிலையில் சக்ரா படத்தின் இறுதிக்கட்ட பணிகளான போஸ்ட் ப்ரோடுக்ஷன் பணிகள் துரிதமாக ஆரம்பிக்கப்பட்டுள்ளது. மிக விரைவில் இப்படத்தை நாம் அனைவரும் ஒடிடி-யில் கண்டு மகிழலாம்.