தமிழ் சினிமாவில் முன்னணி நடிகரான விஷால் நடித்த பல திரைப்படங்கள் ரசிகர்களை கவர்ந்து சூப்பர் ஹிட் அடித்தன. இவர் தற்போது சக்ரா திரைப்படத்தில் நடித்து வருகிறார் .
மேலும் துப்பறிவாளன்-2 படத்தை இயக்கி நடித்து வருகிறார். இதை தொடர்ந்து விஷால் அடுத்ததாக, அரிமா நம்பி, இருமுகன், நோட்டா உள்ளிட்ட படங்களை இயக்கிய ஆனந்த் சங்கர் இயக்கத்தில் நடிக்கவுள்ளார். இந்த படத்தை வினோத்குமார் தயாரிக்கிறார் .
.
இந்த படம் விஷாலின் 30-வது திரைப்படம். இயக்குநர் ஆனந்த் சங்கர் தனது பக்கத்தில் இன்று இப்படத்தைப்பற்றி முக்கிய அறிவிப்பை கொடுத்துள்ளார். இத்திரைப்படத்தில் நடிகர் ஆர்யாவும் இணையவுள்ளதாக அவர் பதிவிட்டுள்ளார். ஆர்யாவுக்கு இது 32-வது படமாகும் . மற்ற நடிகர்கள் மற்றும் தொழில்நுட்ப கலைஞர்கள் அறிவிப்பு விரைவில் வெளியாகும் என எதிர்ப்பார்க்கப்படுகிறது. விஷால் மற்றும் ஆர்யா இதற்கு முன்னர் பாலா இயக்கிய அவன் இவன் திரைப்படத்தில் நடித்தது குறிப்பிடத்தக்கது