நடிகர் விஜய் சேதுபதி மற்றும் ஐஸ்வர்யா ராஜேஷ் நடிப்பில் ஓடிடி தளத்தில் சமீபத்தில் வெளியாகி ரசிகர்கள் மத்தியில் நல்ல வரவேற்பை பெற்றுள்ள படம் “க/பெ ரணசிங்கம்” .
விருமாண்டி, திருப்பாச்சி, சிவகாசி போன்ற பல மெகா ஹிட் படங்களில் நடித்த பிரபல குணச்சித்திர நடிகரான பெரிய கருப்பத்தேவரின் மகன் பெ.விருமாண்டி அவர்கள் இத்திரைப்படத்தின் மூலம் இயக்குநராக அறிமுகமாகி தமிழ் சினிமாவில் தனக்கென்று தனி முத்திரையை பதித்துள்ளார். இத்திரைப்படத்திற்கு ஜிப்ரான் அவர்கள் இசையமைத்துள்ளார். கே.ஜே.ஆர்.ஸ்டுடியோஸ் நிறுவனம் சார்பில் ராஜேஷ் தயாரித்துள்ளார்.
கடந்த வெள்ளிக்கிழமை (அக்டோபர் 02) அன்று ஓடிடி தளமான ஜீ ப்ளெக்ஸ் மற்றும் டிடிஎச் தளத்தில் வெளியாகி ஒரே நாளில் 70000 பார்வைகளை கடந்து மாபெரும் சாதனை படைத்தது.
இந்நிலையில், “க/பெ ரணசிங்கம்” திரைப்படத்தை பார்த்த நடிகர் சூர்யா தனது ட்விட்டர் பக்கத்தில், ‘க/பெ ரணசிங்கம்’ என்ற ஹேஷ்டேகின் மூலம் பாராட்டு தெரிவித்துள்ளார். அந்தப் பதிவில் “அடித்தட்டு மக்களின் இயலாமையை, வறுமையை, வெளிநாடு போய் படும் நெருக்கடியை, நெஞ்சைத் தட்டி நியாயம் கேட்கிற படம் “க/பெ ரணசிங்கம்”. இயக்குநர் பெ.விருமாண்டி, நடிகர்கள் விஜய் சேதுபதி மற்றும் ஐஸ்வர்யா ராஜேஷ் உட்பட படக்குழுவினருக்கு மனமார்ந்த பாராட்டுகள்” என கூறியுள்ளார்.
இதற்கு “சிறந்த வார்த்தை. நன்றி” என நடிகர் விஜய் சேதுபதி பதில் கூறியுள்ளார்.