பிரபல ஹாலிவுட் இயக்குனர் ஜேம்ஸ் கேமரூன் பல வருடங்களாக இயக்கி வரும் “அவதார் – 2” படத்தின் படப்பிடிப்பை சமீபத்தில் நிறைவு செய்துவிட்டதாகத் தெரிவித்துள்ளார்.
பிரபல ஹாலிவுட் நடிகர் அர்னால்டு உடன் ஒரு நேர்காணலில் கலந்து கொண்ட இயக்குனர் ஜேம்ஸ் கேமரூன் அவதார் 2 படம் குறித்த ருசிகர தகவல்களைப் பகிர்ந்துள்ளார். ‘அவதார் 2’ டிசம்பர் 16, 2022 அன்றும் மற்றும் ‘அவதார் 3’ படத்தை 2024 டிசம்பர் 20 ஆம் தேதிக்கு வெளியிட இருப்பதாக படக்குழுவினர் திட்டமிட்டுள்ளனர்.
இது மட்டுமின்றி நான்காவது மற்றும் ஐந்தாவது பாகங்கள் முறையே டிசம்பர் 18, 2026 மற்றும் 2018 டிசம்பர் 22 ஆம் தேதிகளில் வெளியிட திட்டமிடப்பட்டுள்ளன.இந்த ஆண்டின் தொடக்கத்தில் நியூசிலாந்தில் “அவதார் 2” படப்பிடிப்பு துரிதமாக நடந்து வந்த நிலையில், கொரோனா வைரஸ் தொற்றுநோய் காரணமாக படப்பிடிப்பு நிறுத்தப்பட்டது.
கடந்த ஜூன் மாதத்தில் நிலைமை நியூசிலாந்து சரி ஆனதும், பாதுகாப்பு நடவடிக்கைகளுடன் படப்பிடிப்பை தொடங்க படக்குழுவினற்கு அனுமதி கிடைத்தது. “கொடூரமான கொரோனா வைரஸ் எல்லோரையும் தாக்கியது போல் எங்களையும் தாக்கியது. அது எங்களை மிக கடுமையாக தாக்கியது. சுமார் நான்கரை மாதம் பட வேலைகளை இழந்தோம். இதன் விளைவாக, ஒரு வருடம் கழித்து 2022 டிசம்பரில் படத்தை வெளியிட முடிவு செய்துள்ளோம். மேலும் ‘அவதார் 3’ படத்திற்கான 95 சதவீத படப்பிடிப்பையும் முடித்துவிட்டோம்.”என கேமரூன் தெரிவித்துள்ளார்.