விஜய் டிவியில் கடந்த மூன்று வருடங்களாக வெற்றிகரமாக ஒளிபரப்பாகி வந்த பிக் பாஸ் நிகழ்ச்சியின் நான்காவது சீசன் வரும் அக்டோபர் 4ம் தேதி முதல் ஒளிபரப்ப முடிவு செய்துள்ளது விஜய் டிவி.
இந்த நிகழ்ச்சிக்கான போட்டியாளர்கள் அனைவரும் தயார் செய்யப்பட்டு ஸ்டார் ஓட்டல் ஒன்றில் தங்க வைக்கப்பட்டுள்ளதாகவும் அவர்கள் 14 நாட்கள் தனிமைப்படுத்துதல் காலம் முடிந்தவுடன் பிக்பாஸ் வீட்டிற்கு அழைத்துச் செல்ல இருப்பதாகவும் கூறப்படுகிறது.
இந்த நிகழ்ச்சியில் ரம்யா பாண்டியன், ஷாலு ஷம்மு, பாடகர் வேல்முருகன், ஆஜித், கேப்ரில்லா, நடிகை ரேகா, ஷிவானி நாராயணன், ரியோராஜ், ஆகியோர் உள்பட பலர் கலந்து கொள்ள இருப்பதாக செய்திகள் வெளியாகி உள்ளது. இது குறித்த அதிகாரப்பூர்வ அறிவிப்பு இன்னும் வெளியாகவில்லை. இன்று மாலை 6 மணிக்கு பிக்பாஸ் குறித்த முக்கிய அறிவிப்பு ஒன்று வெளியிடப்போவதாக அதிகாரப்பூர்வமாக அறிவிக்கப்பட்டுள்ளது. அதில் யார் யார் பங்குபெறுவர்கள் என்ற விவரத்தை அக்டோபர் 4ம் தேதி 6 மணிக்கு அறிவிக்கப்படும் என தெரிவிக்கப்பட்டுள்ளது.