கோமாளி படத்தின் மாபெரும் வெற்றியை தொடர்ந்து, இயக்குநர் லக்ஷ்மணன் இயக்கும் ‘பூமி’ படத்தில் ஜெயம் ரவி நடித்து வருகிறார். ரோமியோ ஜூலியட், போகன் என இரண்டு வெற்றி படங்களை தொடர்ந்து மூன்றாவது முறையாக மீண்டும் இணைந்துள்ளனர். இப்படம் ஜெயம் ரவிக்கு 25வது படமாகும்.
ஜெயம் ரவிக்கு ஜோடியாக நடிகை நித்தி அகர்வால் நடித்து வருகிறார். அடங்கமறு வெற்றிக்கு பின் சுஜாதா விஜயகுமார் இப்படத்தை தயாரிக்கிறார். டி. இமான் இசையமைத்துள்ளார்.
கடந்த சில நாட்களாக பூமி படத்தின் போஸ்டர்கள் வெளியான நிலையில் வரும் செப்டம்பர் 10 அன்று ஜெயம் ரவியின் பிறந்த நாளை முன்னிட்டு பூமி படக்குழுவினரிடமிருந்து புதிய அறிவிப்புகள் ரசிகர்களுக்காக காத்திருப்பதாகத் தொடர்ந்து படக்குழுவினர் சமூக வலைத்தளங்களில் செய்தி வெளியிட்டு வந்த நிலையில் தற்போது அது குறித்த அதிகாரப்பூர்வ அறிவிப்பு வெளியாகியுள்ளது.
பூமி படத்தின் முதல் சிங்கிளாக ” தமிழன் என்று சொல்லுடா” பாடல் வரும் செப்டம்பர் 10 அன்று ஜெயம் ரவியின் பிறந்த நாள் ஸ்பெஷலாக வெளியாகவுள்ளது.